كيفية عمل زيت جوز الهند وفوائده

كيفية عمل زيت جوز الهند وفوائده






]بدايه .. كيفكم يابنات ياللي يحبو يهتمو بشعورهم ..


]وعندهم اراده وقوه بأنهم بيوصلو للشي اللي في بالهم ..


]واليوم راح يكون موضوعي عن طريقه صنع زيت جوز الهند > .. وياسلام زيت اصلي من تحت ايدينك ..


وعاملته بحب .. وش بيكون ..؟


ممكن احد فيكم يعرف ها الطريقه وممكن لا .. مثلي سابقا .. حبيت اوضحها لكم



بالتفصيل .. مشان تعرفو كل خطوه ..



صحيح شوي طويله .. ويبغى الها( صبر )..بس والله بس تشوفو النتيجه النهائيه انها


كيف تحولت من جوزه الى زيت .. بتحبو روحكم اكثر على ها الانجاز



ياهو
انجاز ..الاهم .. ~خالي~ من الكيماويات .. وبعدين احسن لنا من الزيت اللي
من بره نشتريه اللي مادري وش حاطين فيه .. ربع الغرشه زيت والباقي ماي والا
زيت عافيه .. وريحه ..




]فوائد زيت جوز الهند كثيره .. منها البشره ..يحمي بشرتنا من التجاعيد .. ويحافظ على مستوى الكوليسترول ..فقدان الوزن ..وزياده المناعه وغيرها ..من الفوائد .. اكيد بتقولو


كيف تفيدنا بنقص الوزن .. وهو زيت ..


اممم .. بقولكم ..


زيت جوز الهند يحتوي على سعرات حرارية أقل من الزيوت الأخرى ، ومحتواه من


الدهون وتحويلها بسهولة إلى طاقة ، وأنها لا تؤدي إلى تراكم الدهون في القلب


والشرايين ..



ادري تعبتكم من القرقره .. بس حبيت انكم تستفيدو .. وتعرفو عن ها الزيت العظيم ..



يابنات ..احنا بحاجة إلى فهم أن حالة شعرنا تعتمد على الصحة العامة الخاصة بنا ..


لا شامبو.. بلسم.. غسول ، كريم ، ورغوة أو أيا كان يقدر يعطينا دائما شعر صحي..


]الآثار الايجابية اللي تجينا من كل من هذه الأساليب تكون مؤقته وقصيره الأجل في


أفضل الأحوال


]الشعر الصحي يبدأ من تحت سطح فروة رأسنا


بحيث يحمل الدم من خلال الشرايين المغذيه المتصله ببصيلات الشعر..


و عادات الأكل السيئة يحرم شعرنا من الغذاء ..وبكذا بيوصل الى الجفاف والبهتان وعدم


الحيويه وتقصف..الخ ..وانتو خابرين بالباقي ..اسمعو الكلام وخففو :من


~ الشبسات والمايونيز وها المطاعم~ اللي ماغير تاخذ صحتنا وفلوسنا ..


أي نمتع حالنا مره مرتين ..بالشهر بس مو كل ليله من مطعم ودهون وزيوت على


كبدنا ..


يابنات ان اكثر الشامبوهات العاديه تفقد شعرنا ~البروتين ~وبكذا يضعف ويتساقط ..


وبزيت جوز الهند بيعوضنا ها الماده .. اللي بتقويه الشعره من البصيله ..


بدخل بفوائد اكثر ..زيت جوز الهند يزيل القشره ..يساعد في نمو الشعر المتضرر


ويغذي الشعر مثل ماقلت سابقا لانه يحتوي على جميع البروتينات اللي تحتاجها الشعره ..


احسه لما احطه بشعري وادلك راسي يزيل التوتر عندي .. احس براحه عجيبه حتى


ريحته .. تنعشني ويزيل كل الارهاق الذهني مني


نبدأ بسم الله ..



المرحله الاولى :


استخدمت 3 جوزات .. نظفتهم وغسلتهم ..وقصصتهم صغير مشان الخلاط يفرمو زين .. ونقعتهم بمويه مشان يلين شوي .. تقريبا ربع ساعه ..




[size=12] ]





المرحله الثانيه :


حطيت جزء بالخلاط مع تقريبا نصف كأس ماء مغلي وخليته ينفرم ..





[size=12]





]المرحله الثالثه :



شلته
من الخلاط وحطيته في باول كبيره وحطيت معاه كاس ماء مغلي وجلست اظغط عليه
مثل العجينه .. وانتو تخلطو بتحسو طلع الماده البيضه من الجوز .. واصلوو
تقريبا 5 دقايق ..





]المرحله الرابعه :



جهزي المصفاه وباول ثانيه .. وخذيه قبضه يد من الجوز واظغطيه عليه ..خلي المويه تنزل ..وهكذا لين تخلصين الكميه ..






]

]المرحله الخامسه :



خذي ماء الجوز وحطيه بقدر ..وانتبهي يكون القدر سميك .. مش الستيل .. لان بيحرق الحليب اللي استخرجناه من الجوز ..
وخليه
يطبخ على نار وغطيه بالغطاء وتقريبا ساعه الى ساعه وشوي لين يتبخر الماء
اللي فيه وبيفصل الزيت عنه .. بس انتبهي تحركي كل شوي .. لاتحركيه ابد..








حبيباتي ..ملاحظه : لما توصلي لها المرحله ..
ماتحركين القدر خلال ماهو على النار .. لما تشوفي انه فصل وبان الزيت ..
انتي بس ميلي القدر وحاولي تكبيه بصحن ومافي مشكله ان امتزج معه نقطه او نقتين من الجوز اللي بالقدر ..





وبكذا استوا الزيت ومبروك زيت صحي بدون كيماويات ..








ملاحظه
كل كميه اعمليها مرتين حبايبي مشان نستفيد ونطلع كل الماده اللي في الجوز
.. بحيث انكم بعد ماتظغطو عليه بيدكم رجعوه من جديد الى الخلاط وكررو
العمليه بمااء وبعدها اظغطوه وهكذا ..]


وها الثلاث جوزات عملت تقريبا نصف كاس .. شوي صح ؟ بس مفيده جدا وتبقى كثير ..

استخدمي
ملعقه وحده بس لكامل شعرك .. نصف ساعه قبل الاستحمام .. ودلكي راسك لمده
عشر دقايق .. مشان يتخلل المسامات .. مهم جدا التدليييك يابنات ..

او احيانا انا اعملها ككريم للشعر .. بحيث اخذ مسحه وامسح شعري فيه وياسلام .. على الريحه وفاايدته الروعه بالشعر ..



طيب بتقولولي حرام وش نسوي بالجوز وكميه كبيره والخ ..


]بقولكم .. جففوه .. بحيث انكم تحطوه بصينيه .. بالفرن .. ياتحمروه او تجفيف واستخدمو بالحلا وغيره ..


نجي
لبقايا الجوز اللي بقى من طباخه .. هذا يابنات الله يسلمكم .. لاترموه ..
ابدا . احفظوه بعلبه وحطوه بالثلاجه .. وقت تسبحي خذي ملعقتين وحطي ملح خشن
او سكر واعملي سكراب لجسمك ويااسلام .. ريحه ونعومه ..


وتم بحمد الله .. ما ابغى غير دعوه حلوه منكم ان الله يوفقني ويوفقكم جميع ..


:cvbkjhg:

ـيـدـلـلـو ـوـلـو

يدللووو